Jouw stad in beeld – Het Cruiseschip

De Meyerwerf in Papenburg baauwt haile grote schepen.
Dat doun wie ook, zeden ze in Grunnen.
Toun gingen ze spullen aanslepen.

groningen-cruisschip-1

Doarvan hebben ze ain cruiseschip baauwd,
het ligt op vaaste grond.
Dus zeezaik worden is d’r nait bie,
al voart men de wereld rond.

En woar je din ook hìn goan voaren,
vanof dat grote schip
zain j’ aaltied de Martinitoren,
en nooit lopen je op ’n klip.

Het ainigste gevoar wat draaigt,
dat is ain grote rots.
Dat ding het veul mit gas te moaken,
kiek oet, het is ’n knots.

Je huiven joe echt nait te vervelen
op dizze megaboot.
Want elkenain dij d’r op wil voaren,
mout waarken veur zien brood.

Willy Walters.

Dit bericht is geplaatst in Kunst, Nieuws met de tags , , . Bookmark de permalink.

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *